காமத்தில் அறம்

 திருக்குறள் ஆய்வு.

 அறத்துப்பால்

அதிகாரம்-- 1. கடவுள்வாழ்த்து. 

குறள் எண் 1.

அகர முதல எழுத்தெல்லாம் ஆதிபகலவன் முதற்றே உலகு

பொதுவான விளக்கம்: எழத்துகளெல்லாம் 'அ' எழுத்தை தமக்கு முதலெழுத்தாகக் கொண்டுள்ளன. அதுபோல உலகத்து உயிர்கள் கடவுளைத் தமக்கு முதலாகக் கொண்டுள்ளன. 

முக்காலும் உணர்ந்து, தொலைநோக்கு அறிவு கொண்டு தெய்வ புலவர் திருவள்ளுவர் எழுதிய குறட்பா உலகப்பொதுமறையாக விளங்குகிறதுஎன அனைவரும் அறிந்ததே ஆகும்.

எம்எஸ்கே சாமி விளக்கம்:

உயிர் என்றால் என்ன என்று அனைவரும் அறிந்ததே. ஒரு சீவனுக்கு உயிர் இல்லாவிட்டால் அது உபயோகமற்ற தாகும் அது கண்ணுக்குத் தெரியாத உயிரினமாக இருந்தாலும் அல்லது தாவரங்களாக இருந்தாலும் உயிர் இல்லாவிட்டால் அந்த பொருளுக்கு அல்லது உடலுக்கு உபயோகமற்றதாகிவிடும். அதனால் அந்த முதல் எழுத்தாகிய ""அ"" உயிர் என்றால் மிகையாகாது அதனால்தான் அஆஇஈஉஊஎஏஐஒஓஔ வரை உள்ள எழுத்துக்களை உயிரெழுத்து என்றார்கள்.

இந்தப் பன்னிரண்டு எழுத்துக்கள் இல்லாவிட்டால் உலகத்திலுறள்ள எல்லா எழுத்துக்களும்  இதை அடிப்படையாகக் கொண்டுதான் உருவாக்கப்பட்டது.

1.அகரம்:- என்பது 

 "அ உ அம்"  என்ற இந்த மூன்று எழுத்துக்கள் ஒன்றாக சேர்ந்ததுதான் அகரம் எனப்படும் முதல் எழுத்து "அ" என்பதாகும்.

இவ்வுலகில் பிறந்த குழந்தை முதன் முதலில் வாய்திறந்து பேசக்கூடிய  வார்த்தை "அம்மா" என்ற சொல்லாகும். இதை அடிப்படையாகவைத்து தற்போதைய காலகட்டத்தில் அனைத்து உலக மக்களும் வழக்குச் சொல்லாக உபயோகித்து வருகிறார்கள். 'மா' என்று ஹிந்தியிலும் மோம், மேம், மேடம் என உலகிலுள்ள எந்த மொழியில் பேசினாலும் அம்மா என்ற சொல் அடிப்படை சொல்லாக இருப்பதால் அதை அகரத்தில் ஆரம்பித்தார்.

2.முதல எழுத்தெல்லாம்:-  ""அ"" என்ற முதல்  எழுத்து மூலம் மனிதன் எழுத்து அறிவு பெற்றான். இவ்வுலகில் உள்ள அனைத்து மொழிகளுக்கும் ""அ"" முதல் எழுத்து ஆகும். 

 3.ஆதி :- என்றால் சூரியன். இவ்வுலகில்  சூரிய ஒளி இல்லை என்றால் உலகம் முழுவதும் இருளாக இருக்கும். இயற்கையின் சுழற்சியில் இரவு பகல் உண்டாகிறது. உயிர்கள் வாழ சூரிய ஒளி தேவை. தாவரங்கள் முதல் மனிதர்கள் வரை உணவு தயாரிக்க சூரிய சக்தி தேவை.  எனவே ஆதியை, சூரியனை பகவான் என்றார். 

உலகத்திற்கு அ+ஆதி

அ. ஆ என்ற இரண்டாம் உயிர் எழுத்தும் குறித்து விட்டார்.

 சூரியனும்+அ  என்ற முதல் எழுத்து = இந்த இரண்டும் இன்றியமையாத சக்தியாக உலகத்தில் நிலை பெற்றுள்ளது.   மனிதர்களும் மற்ற  பிற அனைத்து  உயிர்களும் இரண்டு கண்களை கொண்டுள்ளது. அதுபோல சூரியசக்தி + அகரம் என்ற எழுத்தும்   இவை இரண்டுமே இரண்டு கண்களைப் போன்றது.  நமது இரண்டு  கண்களும் இல்லை என்றால் இருளாக இருக்கும். அல்லது கண்களை  மூடிபார்த்தால் ஒன்றும் தெரியாது. 

ஆனால்   அறிவு என்ற அகக்கண்களை திறந்து பார்க்க எழுத்தறிவு தேவை. அதைப் படிக்கும் அறிவு மூலம்  ஞானம் கிடைக்கும். பிறகு மனிதர்கள்   எதையும் தெளிவாக அறிந்து கொள்ள முடியும் என்கிறார். 

4.முதற்றேஉலகு:- உயிர்கள் வாழ சூரிய ஒளி அவசியம்  தேவை. ஒளி இல்லை என்றால் உயிர்கள் வாழ முடியாது மரம் செடி கொடி முதல் எல்லாம்  அழியும்.  உலகம் முழுவதும் இருளாக இருக்கும்.  எனவே இவை இரண்டும் இவ்வுலகிற்கு அவசியம் தேவை  

மேலும் விஞ்ஞானம் மெய்ஞ்ஞானம் சோதிட சாஸ்திரம் அனைத்திற்கும் சூரிய குடும்பத்தில் உள்ள ஒன்பது கோள்களும் காரணமாக  இயங்கு கின்றது. இதனால் மனிதர்களுக்கு அறிவு கண் திறக்கும் பிறகு அவர்கள் அறிவு ஜீவிகளாக முடியும். இதுமனிதர்களின் வாழ்க்கையை நிர்ணயம் செய்து வருகிறது என்றால் மிகையாகாது என்கிறார். 

காலையில் சூரியன் கிழக்கே உதித்து மேற்கே மறையும் வரை மறுநாள் மீண்டும் சூரியன் தோன்றும் வரை உள்ள கால அளவை கணக்கிட்டு ஒரு நாள் என அக்காலத்திலேயே ஞானிகள் கணக்கிட்டுள்ளார்கள். மனிதர்களுக்கு தனது வாழ்க்கையில் ஒரு நாள் கழிந்து விட்டால் தன்னுடைய வாழ்நாளின் ஆயுளில் ஒருநாள் குறைந்துவிட்டது என்றால் மிகையாகாது என்கிறார்.

★சூரியன் தான் இந்த உலகத்தில்  இருக்கும் அனைத்து உயிரினங்களுக்கும் மனிதர்களுக்கும் உயிர் கொடுப்பவர்.

★சூரியனைச் சார்ந்துதான் இந்த உலகத்தில் இருக்கும் அனைத்து உயிரினங்களும் நாமும் இருக்கின்றோம்.

★இந்தப் பிரபஞ்சத்திற்கு அதிபதி அவர் தான்.

★நமக்கெல்லாம் உயிர் கொடுத்தது நமது தந்தை,அதனால்தான் சூரியன் தந்தைக்கு காரகத்துவமான கிரகம்.

★நமக்கு உயிர் கொடுப்பது தந்தை என்பதால் சூரியனை தந்தைகாரகன் என்று குறிப்பிட்டார்கள்.

★நமக்கெல்லாம் மறுபிறவி கொடுப்பவர் சூரியன் தான்.

இதனால்தான் மருத்துவத்திற்கு சூரியன் அதிபதி.

★நமக்கு உயிர் கொடுக்க வேண்டுமா அல்லது கொடுக்கக் கூடாதா என்பதை தீர்மானிப்பவர் சூரியன்தான்.

உட்கருத்து:- *சூரியன் இல்லாமல் உலகம் இல்லை, ”அ" என்ற எழுத்து இல்லாமல் மொழியும் இல்லை*.

நந்தீஸ்வரர்

 அன்பே சிவம் ..

 ஓம் நமசிவாய  சிவாய நம..

ஓம்.

*நந்தி என்றால் ? 

1. நந்தி என்றால் ஆனந்தம், மகிழ்ச்சி தருபவர் என்று பொருள்.

திருமூலரின் திருமந்திரம் பாடல் எண்.78

நந்தி யருளாலே நாதனாம் பேர் பெற்றே

நந்தி யருளாலே மூலனை நாடினே

நந்தி யருளாலே தென்செயு நாட்டினி

நந்தி வழிகாட்ட நானிருந்தேனே

விளக்கம்:- நந்தி என்ற பெயர் இனிவரும் பாடல்களிலும் நந்தியை முன்னிறுத்தி திருமூலர் நிறைய பாடல்கள் எழுதியுள்ளார். இந்த  நந்தியின் வரலாறு என்ன என்பதைப் பற்றி தெரிந்து கொள்ள வேண்டும்.

  சிலாதனன் என்ற முனிவர் ஒரு குழந்தை வேண்டும் என்று பல வருடங்கள் தவமிருந்தால்

சிவபெருமான் அந்த முனிவருக்கு காட்சி தந்து என்னுடைய அம்சங்கள் அனைத்தும் கொண்ட ஒரு குழந்தை உனக்கு கிடைக்கும் 

ஆனால் அந்தக் குழந்தை எட்டு  ஆண்டுகள்தான் வாழும். எனக்கூறி மறைந்து விடுகிறார். 

அதன்படி ஒரு பேலையில் ஒரு குழந்தையைக் காண்கிறார். அது மிகவும் பிரகாசமாக சிரித்துக் கொண்டு இருக்கிறது. இது சிவனுடைய அருள் என்று நினைத்து அந்த குழந்தையை எடுத்து வளர்த்து வருகிறார் ஆனால் அந்தக் குழந்தை எட்டு வருடத்தில் இறந்துவிடுமே என்று வருத்தப்படுகிறார். சிலாதன முனிவரின் வருத்தத்தை உணர்ந்த அந்தக் குழந்தை, தந்தையே வருத்தப்பட வேண்டாம் நான் சிவபெருமானைப் பூசித்து, தவம் செய்து வரம் பெறுவேன் எனக் கூறிவிட்டு ஈசனை நினைத்து கடுமையான தவத்தில் அந்த 8 வயதுக் குழந்தை ஈடுபடுகிறது. ஈசன் அந்த எட்டு வயது குழந்தைக்கு தரிசனம் கொடுத்து உனக்கு என்ன வரம் வேண்டும் என்று கேட்கிறார். அதற்கு நான் எப்பொழுதும் எம்பெருமானாக ஈசனைப் பார்த்துக் கொண்டே இருக்க வேண்டும்  மேலும் தங்களிடம் உள்ள அனைத்து சக்திகளும் எனக்கும் வேண்டும் என ஈசனிடம் கேட்கிறார். ஈசன் அனைத்து சக்திகளையும் தர முடியாது ஆனால்  என்னிடம் வருபவர்கள், பூசிப்பவர்கள், தவம் செய்வார்கள் என அனைவரும் முதலில் உன்னை பார்த்து உன்னுடைய அனுமதி பெற்ற பிறகு என்னிடம் வந்தால் அவர்களுக்கு அருள் புரிவேன் என்ற வரத்தை கொடுக்கிறேன் என்கிறார். மேலும் நான் இருக்கும் இடங்களில் எல்லாம் நீ  என் முன்னே இருப்பாய் எனவும் நீ காளை ரூபத்தில்  அமர்ந்திருப்பாய் என வரமளிக்கிறார். பின்னர் அந்த குழந்தை நந்தி என்ற பெயரிலும் நந்தீஸ்வரர் என்றும் அழைக்கப்படுகிறார்.

நந்தி என்றால் ஆனந்தம்,       

பேரானந்தம், அருள் வளர்தல், அன்பு வளர்தல், நம்பிக்கை வளர்தல்,  என்ற பல பொருள்கள் உள்ளது. அதனால் அவரை  நந்தீஸ்வரர் என்றழைக்கப்படுகிறார்.

சிவனை மகிழ்விக்க நந்தீஸ்வரர் மத்தளம் இசைக்கிறார் அதனால் அவள் முன்னே  ஈஸ்வரன் நடனம் ஆடுகிறார். அதைக் கண்டு களிக்க பிரபஞ்சத்தில் உள்ள அனைத்து தேவர்களும் வந்து பார்க்கிறார்கள். ஆனால் நந்தீஸ்வரர் சிவனுடைய ஆட்டத்திற்கு ஏற்ப அவரும் முன்னே பின்னே நகர்ந்து மத்தளம் வாசிப்பதால் யாருக்கும் சிவனுடைய தரிசனம் கிடைக்கவில்லை. அதனால் இந்த நந்தி நம் முன்னே நின்று மறைக்கிறாரே என்பதைத்தான் மனிதர்கள் செய்யும் எந்த செயல்பாடுகளிலும் தடை ஏற்பட்டால் நந்தி மாதிரி என் முன்னே வந்து மறைக்கிறாய் என்ற வழக்குச் சொல் பின்னர் உருவானது. மேலும் எந்த சிவாலயங்களுக்குச்  சென்றாலும் முதலில் நந்தீஸ்வரரை வணங்கி அவரிடம் அனுமதி பெற்று அருள் பெற்று பின்னர் ஈசனை தரிசனம் செய்ய  வேண்டும் என்பது தற்போதும் வழக்கத்தில் உள்ளது. மேலும் அந்த தேவ ரிஷிகள் சிவனுடைய ஆட்டத்தை காண முடியாமல் நந்தியின் கொம்பு இடையில் மட்டும் சிவனை சிறிது தரிசனம் செய்ய இடம் கிடைக்கிறது. அதனால் தான் சிவன் கோயிலில்  நந்தியின் இரண்டு கொம்புகளுக்கு நடுவே முதலில் சிவனை தரிசித்து விட்டு பின்னர் கோயிலுக்குள் செல்கிறார்கள். இதைக்  கடைபிடித்து வருகின்றோம். இப்படிப்பட்ட சக்தி கொண்ட நந்தி எனப்படும் நதீஸ்வரர் மகா குருவாக நினைத்து எல்லா முனிவர்களும் முதலில் வணங்குகிறார்கள். அதில் முதல் எட்டு முனிவர்கள் நந்தீஸ்வரரை குருவாக வணங்கி ஈசனின் அருள் பெறுகிறார்கள். அவர்களின் மூத்த சிவ ஞானியாக கருதப்படுபவர் அகத்தியர்,வியாக்ரமர், பரஞ்சோதி, திருமூலர் இவர்களுக்கு பின் சனகர், சனந்தர், சனாதனர், சனந்தகுமார்,  என்ற நாலு முனிவர்களும் மொத்தம் எட்டு பேர் உலகில் உள்ள அனைத்து  முனிவர்களுக்கும் குருவாக உள்ளார்கள். இனிவரும் பாடல்களில் நந்தி என்று பல சொற்கள் வரும் அந்த நந்தீஸ்வரர் இவரே ஆவார். 

அ)நந்தி அருளாலே நாதனாம் பெயர்:- நந்தி திருமூலரின் குருவாக உள்ளார் எனவே முதலில் குரு மூலமாகத்தான் எந்த ஒரு ஞானத்தையும் அருளையும் பெற முடியும் அதற்குப் பிறகுதான் ஈசனின் தரிசனம் இறைவனின் தரிசனம் கிடைக்கும் என்பதால் குருவை முதலில் வணங்க வேண்டும்.

ஆ)நந்தி யருளாலே மூலனை நாடினே; நந்தி எனப்படும் நந்தீஸ்வரர் அருளாலே நான் மூலனாக மாறினேன். அதனால்  கருவில் மூலத்தைப் போல இந்த உலக மக்கள் வாழ்வதற்கான மூலகாரணங்களை திருமந்திரம் மூலம் எழுதியதால் என்னை மூலர் என்று பெயரிட்டார் இது என்னுடைய குருவின் அருளால் ஆகும் என்கிறார். பிற்காலத்தில் மூலர் என்ற பெயர் எப்படி ஏற்பட்டது என்று ஒரு கதையை மக்கள் நம்ப வேண்டும் என்பதற்காக உருவாக்கப்பட்டதாக. தான் இருக்க வேண்டும்

இ)நந்தி யருளாலே தென்செயு நாட்டினி:- நந்தியின் வரலாறு நந்தி தேவரின் அருளாலே நான் வடநாட்டிலிருந்து தென்னாடு சென்றேன். பூமியில் மக்கள் படும் கஷ்டங்களைக் கண்டு ஒரு மனிதனாக அவதரித்து மக்களின் நன்மைகளை உணர்ந்து தீமைகளை என் துன்பங்களையும் களைய வேண்டும் என்பதற்காக எழுதப்பட்டது தான் இந்த திருமந்திரம் என்கிறார்.

ஈ)நந்தி வழிகாட்ட நானிருந்தேனே:- திருமூலராகிய நான் எனது குரு தேவனான நந்தி வழிகாட்ட நான் இந்த திருமந்திரத்தை எழுத மூல காரணமாகியவராக உள்ளார் என்பதால் தானே அவருடன் இருந்தேனே என்கிறார்.

திருமூலர் எழுதிய மந்திரம் என்னும் திருமந்திரம் மனிதர்களுக்கு தேவையான அனைத்து வழிமுறைகளையும் நெறிமுறைகளையும் வழிபாட்டு முறைகளையும் 

அனைத்தையும் இந்த நூலில் மிகவும் அழகாக பாடியுள்ளார்.

 வருடத்திற்கு ஒரே ஒரு பாடல் என்று 3000 பாடல்கள் எழுதி 3000 வருடங்களுக்கு மேல் வாழ்ந்து, தவமிருந்து 8000 பாடல்கள் பல தலைப்புகளில் எழுதியுள்ளார்....

இந்த திருமந்திரம் என்னும் புத்தகத்தை பற்றி அறிந்து கொள்வதற்கும இறைவனுடைய அருள் வேண்டும். 

நந்தீஸ்வரர் சிறப்பு அம்சங்கள் என்ன என்பதைப் பற்றி தெரிந்து கொள்ளுங்கள். 

2. நந்தியின் வேலை  இவர் அனுமதி பெறாமல் ஈசன் உள்ள இடங்களுக்குள் யாராலும் செல்ல இயலாது. நந்தி அனுமதி கிடைத்தால்தான் ஈசன் அருளைப்பெற முடியும். எனவேதான் முக்கிய சம்பவங்களின் போது யாராவது தடுத்தால், "என்ன இவன் நந்தி மாதிரி தடுக்கிறான்'' என்று சொல்லும் வழக்கம் ஏற்பட்டது.

3. பிரதோஷ காலங்களில் நந்தியை தவறாமல் வழிபடுபவர்களுக்கு அருள் வரம் தரும் பேறு கிடைக்கும் என்பது ஐதீகம்.

4. நந்தி தேவர் சிவபெருமானுக்கு பூஜை செய்யும் அற்புத காட்சி ஒன்று, நாகை மாவட்டம் ஆத்தூர் மந்தாரவனேசுவரர் கோவிலில் உள்ளது.

5. சென்னை சிந்தாதிரிப் பேட்டையில் உள்ள ஆதிபுரீஸ்வரர் கோவிலில் பிரமாண்ட அதிகார நந்தி வாகனம் உள்ளது. இந்த அதிகார நந்தியை தமிழ்ப் பேரறிஞர் தெ.பொ. மீனாட்சி சுந்தரனாரின் தந்தை பொன்னுசாமி கிராமணி என்பவர் செய்து கொடுத்தார்.

6. ஆந்திர மாநிலம் லேபாட்சியில் உள்ள கருங்கல்லில் வடிக்கப்பட்ட நந்தியே இந்தியாவில் உள்ள கல் நந்திகளில் பெரிய நந்தியாம்.

7 தமிழ்நாடு மக்களுக்கு நந்நி என்றதும் தஞ்சை பெரிய கோவில் நந்திதான் நினைவுக்கு வரும். இந்த நந்தி ஒரே கல்லால் ஆனது.

8. மதுரை ஆவணி மூல வீதியில் "மாக்காளை'' எனப்படும் சுதையால் அமைக்கப்பட்ட பிரமாண்ட நந்தி உள்ளது. இத்தகைய மாக்காளை நந்திகளை நெல்லை, சுசீந்திரம், ராமேஸ்வரம், திருவிடை மருதூர் ஆலயங்களிலும் காணலாம்.

9. திருவண்ணாமலை கிரிவலப் பாதையில் ஜோதி நந்தி உள்ளது. இந்த நந்தி முன் தீபம் ஏற்றி வலம் வந்து மலையை நோக்கி வழிபடுவதை பக்தர்கள் வழக்கத்தில் கொண்டுள்ளனர்.

10. திருவண்ணாமலை கிரிவலப் பாதையில் குறிப்பிட்ட ஒரு இடத்தில் இருந்து பார்த்தால், மலையானது, நந்தி ஒன்று படுத்து இருப்பது போன்ற தோற்றத்தில் காட்சித்தரும். அந்த இடத்தை "நந்திமுக தரிசனம்'' என்கிறார்கள்.

11. மைசூர் சாமுண்டி மலை மீதுள்ள நந்தி கண்கவர் அழகான நந்தியாகும். இது சுற்றுலா பயணிகளை கவரும் வகையில் அமைக்கப்பட்டுள்ளது.

12. கேரள மாநிலம் வைக்கத்தில் மகாதேவ ஆலயம் உள்ளது. அங்கு 4 மூலைகளிலும் நந்தி வைக்கப்பட்டுள்ளது.

13. மராட்டிய மாநிலம் புனேயில் உள்ள நந்திக்கு கருவறை நந்தி என்று பெயர்.

14. திருவாரூர் தியாகராஜர் கோவில் சன்னதியில் ஈசனை ஆச்சரியத்துடன் பார்த்தபடி எழுந்து நிற்கும் நிலையில் நந்தி உள்ளது. இந்த நந்தியை வழிபட்டால் செய்த பாவங்கள் எல்லாம் தொலைந்து போகும் என்பது நம்பிக்கை.

15. திருமந்திரம் எனும் நூலை எழுதிய திருமூலருக்கு குருவாக நந்தி திகழ்ந்தார். திருமூலருக்கு நந்தி பெருமான்தான் 9 வேத ஆகமங்களை விளக்கி அருளியதாக புராணங்களில் குறிப்பிடப்பட்டுள்ளது.

16. சனகர், சனந்தர், சனாதனர், சனத்குமார், பதஞ்சலி, சிவயோக மாமுனி, வியாக்கிரமர், திருமூலர் ஆகிய 8 பேரும் நந்தி பெருமானின் மாணவர்களாவர்.

17. கர்நாடக மாநிலம் கோலார் மாவட்டத்தில் நந்தி துர்கா மலையே பரவலாக நந்தி மலை என்று அழைக்கப்படுகிறது. நந்தி மலையே பென்னாறு, பாலாறு பொன்னையாறு ஆகிய ஆறுகளில் பிறப்பிடமாக கருதப்படுகிறது. கடல் மட்டத்தில் இருந்து 1,500 அடி உயரத்தில் இருக்கின்றது. ஆயிரம் வருடத்து பழமை வாய்ந்த நந்தி கோவிலால் நந்தி மலை என்ற பெயர் ஏற்பட்டது.

18. நந்திகேசுரரின் வரலாற்றை லிங்க புராணம் கூறுகிறது. பிறப்பில் எம்பெருமானாகிய சிவபெருமானே நந்திகேசுவரராகப் பிறந்து கணங்களின் தலைவரானார் என்பது புராண மரபு.

19. இந்திய வரலாற்றை ஆராய்ந்தால் தத்துவம், யோகம், நாட்டியம், இசை, ஆயுர்வேதம், அஸ்வவேதம், காமவேதம் முதலிய பல்வேறு சாத்திரங்களைத் தோற்றிவைத்தவராக நந்திகேசுரர் என்ற முனிவர் வாழ்ந்திருக்கிறார் என அறியலாம்.

20. சிவபெருமான் நாட்டியக் கலையைப் பிரும்மாவுக்கு கற்றுக் கொடுக்க அம்முறையை அறிந்த நந்தி பரத முனிவருக்குப் போதித்தார் என்று அபிநய தர்ப்பணம் கூறுகிறது.

21. தமிழ்நாட்டில் ஆடவல்ல பெருமான் தண்டுவுக்கு நாட்டியம் கற்றுக்கொடுப்பதாக ஒரு சிற்பம் மாமல்லபுரத்தில் தர்மராஜ ரதத்தில் உள்ளது. இங்கு சிவன் நாட்டியாசாரியராகவும் தண்டு முனிவர் மனித உருவிலும் உள்ளனர்.

22. காஞ்சிபுரத்தில் இராஜ சிம்மன் கட்டிய கைலாய நாதராலயத்தில் பின்புறச் சுவரில் ஒரு சிற்பம் உள்ளது. அதில் சிவபிரான் ஊர்த்துவதாண்டவம் புரிகிறார். அவர் அருகில் நந்திகேசுவரர் ஆனந்தமாக நாட்டியம் கற்றுக் கொண்டு ஆடுகிறார்.

23. தமிழ்நாட்டில் நந்திகேசுவரரின் மதம் கி.பி. 700லேயே சிறப்பிடம் பெற்றிருந்தது.

24. தமிழ்நாட்டிலும் கேரளத்திலும் பிற இடங்களிலும் உள்ள சிற்பங்களில் சிவன் ஆடும்போது நந்திகேசுவரர் பஞ்சமுக வாத்யம் என்னும் குடமுழா வாத்தியத்தை வாசிப்பதாக உள்ளதைக் காணலாம். திருவாரூர், 

திருத்துறைபூண்டி ஆகிய தலங்களில் இன்றும் பஞ்சமுக வாத்தியம் வாசிக்கப்படுகிறது.

25. பஞ்சமுக வாத்தியலடீசணம் என்னும் சுவடியில் குடமுழா வாத்தியம் நந்திகேசுவரரால் இசைக்கப்பட்டது என்றும், ஆதலின் இதை இசைக்கும் முன்னர் நந்திகேசுவரருக்குச் சிறப்பு வழிபாடு செய்ய வேண்டும் என்றும் கூறுகிறது.

26. காமசாஸ்திரத்தை தோற்றுவித்தவரும் நந்திகேசுவரரே என்று பல நூல்கள் கூறுகின்றன. நந்தி இயற்றிய பல செய்யுட்களை ''ரதி ரகசியம்'' என்று தம் நூலில் கொக்கோகர் மேற்கோளாகக் காட்டுகிறார்.

27. ஆகம சாஸ்திரங்களையும், சைவசித்தாந்த தத்துவங்களையும் சிவபெருமானிடம் அறிந்து உலகுக்குப் போதித்தவர் நந்திகேசுவரரே. சைவமரபில் தலையாயது ''சிவஞான போதம்'' என்னும் நூல். இதை நந்திகேசுவரரே முதலில் போதித்தார்

28. சிவாலயங்களில் துவாரபாலர் இருவரில் தலையில் சூலம் தரித்து நிற்பவர் நந்திகேசுவரர் ஆவார்.

29. சிதம்பரம் நடராஜப் பெருமானின் கோயிலில் நான்கு கோபுரங்களிலும் அதிகார நந்தியின் உருவத்தைக் காணலாம்.

30. நந்திகேசுவரரின் மறு அவதாரமாக அனுமான் கருதப்படுகிறார்.

31. சில சிவாலயங்களில் நந்திக்குப் பதிலாகக் குரங்கு தூவாரபாலனாகத் திகழ்வதைக் காணலாம். எவ்வாறு சிவதத்துவத்தை நந்தி வாயிலாகப் பரமன் போதித்தாரோ அதே போல ராமதத்துவம் அனுமன் வாயிலாகப் போதிக்கப்பட்டது.

32. தானும் நந்தியும் வேறல்ல, ஒருவரே என்று சிவபெருமான் நந்தி புராணத்தில் கூறுகிறார். நந்தியைத் தொழுவது சிவபெருமானைத் தொழுவதே ஆகும்.

33. முனிவர்களுக்கும் சித்தர்களுக்கும் யோகிகளுக்கும் நந்திதேவரே ஆதி குரு.

34. `நந்தி' என்ற வார்த்தையுடன் `ஆ' சேரும்போது `ஆநந்தி' என்ற பொருள் தருகிறது. `நீயும் ஆனந்தமாக இரு, பிறரையும் ஆனந்தமாக வைத்திரு!' என்று சிவபெருமான் நந்திக்கு அளித்த வரம் அது.

35. நந்தியைத் தொழாமல் சிவபெருமானைத் தொழ முடியாது. ஆலயத்தில் நந்தியை மட்டுமே தொழுதுவிட்டு திரும்பிவிட்டால் கூட சிவபெருமானை வணங்கியதன் முழுபலனும் கிட்டும்.

36. ஆலயங்களைக் காவல் காக்கும் அதிகாரமும் நந்திக்கே உரியது என்பது தெளிவாகிறது. இதன் அடையாளமாகத் தான் திருக்கோவில்களின் மதில் சுவர்களில் நந்தியின் திருவுருவை அமைத்துள்ளனர்.

37. நந்தி தேவருக்கு சிவ பெருமானைப் போலவே நெற்றிக்கண்ணும் நான்கு புஜங்களும், கையில் பிரம்பும், உடைவாளும், இருபுஜங்களில் மான் மழுவும் உண்டு. மானும் மழுவும் வேதத்தைக் குறிக்கிறது. மழு வீரத்தை அல்லது ஆண்மையைக் குறிக்கிறது எனவும் கூறுவர்.

38. நந்திக்கு இவ்வுலகத்தின் எதையும் கண்டிக்கவும் தண்டிக்கவும் அதிகாரம் வழங்கியுள்ளான் பரமேஸ்வரன்.

39. நந்தியின் அருள் இருந்தால்தான் மனிதர்களுக்கு மட்டுமின்றி தேவர்களுக்கும் முக்தி கிடைக்கும். அதனாலேயே தேவர்களும் நந்திதேவரைப் போற்றித் துதிக்கின்றனர்.

40. எல்லா உயிர்களையும் ஒரு காலத்தில் ஓய்வு படுத்துதல் மகாசங்காரம் எனப்படும். இந்த அதிகாரத்தை சிவபெருமான் நந்தி தேவருக்கு வழங்கியிருக்கிறார்.

41. நந்திதேவருக்கு ருத்திரன் என்ற பெயரும் உண்டு. ருத் என்பது துக்கம். ரன் என்பது ஓட்டுகிறவன். துக்கத்தை ஓட்டுகிறவன் என்பதே ருத்திரன். தூயவன், சைலாதி எனவும் நந்தியை அழைப்பர்.

42. மாலாங்கன், இந்திரன், சோமன், பிரமன், ருத்திரன், கந்துரு, காலாங்கி, கஞ்சமாலையன் போன்ற தேவர்களெல்லாம் நந்தியைக் குருவாகக் கொண்டு வேதம் கற்றவர்கள் ஆவர்.

43. பிரவிர்த்தி என்ற சேர்க்கையை விட்டு நிவிருத்தி என்ற விலகலைத் தேர்ந்தெடுப்பது ஞானத்தின் மார்க்கம். இதைக் கற்றுக் கொடுத்தவர் நந்திதேவரே. இவர் வழி வந்தவர்களே மெய் கண்ட சந்தானத்தின் குருபரம்பரை என்றழைக்கப்படுகிறார்கள்.

44. சிவபெருமானின் முக்கண்ணின் பார்வைக்கு எதிரில் நிற்க நந்திதேவரைத் தவிர வேறுயாராலும் இயலாது. இது சிவபெருமானே நந்தி தேவருக்கு அளித்த வரமாகும்.

45. சிவ பெருமான் திருநடனம் புரிகையில் நந்திதேவரே மத்தளம் வாசித்ததாக சிவபுராணம் கூறுகிறது.

46. பிரதோஷ காலம் மட்டுமின்றி எக்காலத்தும் நாம் சிவபெருமானி டம் வைக்கும் வேண்டுதல் களை நந்திதேவரிடம் வைத்தால் போதும். அவர் அதைப் பரமேஸ்வரனிடம் கொண்டு சேர்த்துவிடுவார் என்பது ஐதீகம்.

47. நந்தியை வழிபடும்போது, `சிவனடியில் சரணம் புகுந்து சிவத்தியானத்தில் ஆழ்ந்திருக்கும் மகா புண்ணியம் பெற்ற நந்திகேசுவரரே! சன்னிதிக்குச் சென்று உமையோடு கூடிய ஈஸ்வரனைத் தரிசிக்க எனக்கு உத்தரவு தருக' என்று பிரார்த்திக்க வேண்டும்.

48. நந்திதேவருக்கு அருகம்புல் மாலையும், சிவப்பு அரிசி நிவேதனமும் நெய்விளக்கும் வைத்து வழிபட வேண்டும்.

49. பிரபஞ்சத்தில் உள்ள தீர்த்தங்கள் எல்லாம் பிரதோஷ காலத்தில் பீஜத்தை வந்தடைகின்றன. அதனால் நந்தியின் பீஜத்தைத் தொட்டு வணங்கிய பிறகே சிவதரிசனம் காணவேண்டும். பிறகு வாலைத் தொட்டு வணங்க வேண்டும்.

50. நாட்டியம் பயில்வோரும் இசை பயில்வோரும் நந்தியை வழிபட்டால் அவர்களின் கலைகள் சிறந்து விளங்கும்...

திருமந்திரத்திற்கு இன்னொரு பெயர் தனித்தமிழ் ஆகமம் என்றும் மந்திரம் என்பதற்கு நினைப்பவரை காப்பது நினைப்பவரை காக்க வல்லது என்றும் ஆகமம் என்றால் ஆகி நின்று அண்ணிப்பான் தாழ் வாழ்க என்றதால் திருமந்திரம் சிவ சொரூபம் ஆகும் திருமந்திரம் தாய் எனவும் ஏனைய திருமுறைகள் அதன் சேய் எனவும் கூறுவர் திருமந்திரத்தை பொருள்நூல் எனவும் கூறுவர்  இதன் பெருமை அளவிட முடியாது

தென்னாடுடைய சிவனே போற்றி என்னாட்டவர்க்கும் இறைவா போற்றி....

நமசிவாயம் வாழ்க 

நாதன் தாள் வாழ்க இமைப்பொழுதும் என் நெஞ்சில் நீங்கதான் தாள் வாழ்க.......

அவனன்றி அணுகும் அசையாது......

எல்லாம் அவன் செயல்...

சாதாரண மனிதனாக பிறந்து இவ்வுலக வாழ்க்கையில் உள்ள இன்ப துன்பங்களை அனுபவித்து பின்னர் இறைவனின் சக்தியை உணர்ந்து அந்த இறை சக்தியை தனக்குள் வரவழைக்க அதற்க்குரிய மந்திரங்களை ஓதி பல நாட்கள் மாதங்கள் வருடங்கள்எனத் தவமிருந்து ஒரு மனிதன் சித்தனாகவும் புத்தனாகவும் ஞானியாகவும் மாறுகிறான்..

சாதாரண மனிதர்களாகிய நாம் மேற்கூறியபடி சித்தர் ஆகாவிட்டாலும்  ஆறறிவு படைத்த மனிதனாக  பிறந்ததற்கு  ஈசனுடைய அருளையாவது பெற வேண்டும். 

தெய்வத்தமிழ் தூதர் இறைவனின் தூதர் என்று அழைக்கப்படும் மூலர்

திருமூலர் எழுதிய திருமந்திரம் பாடலுக்கான விளக்கங்கள் அளிக்கப்படும். 

இறைவனை மூலவர் என்று அழைக்கிறோம். 

வேறு எந்த மனிதரையும் மூலர் என்று அழைப்பதில்லை ஆனால் திருமந்திரம் எழுதிய மூலரை திருமூலரை படைத்தது ஈசன் தான் என்பதை நாம்  உணர்ந்து கொள்ள முடிகிறது....

 இவ்வுலகில் உள்ள நூல்களுக்கெல்லாம் மூலநூல் திருமூலர் எழுதிய திருமந்திரம் ஆகும்...

சித்தர்களுக்கெல்லாம் சித்தர் ஆவார். ஈசனின் அருளைப் பெற்று பல வருடங்கள் கடும் தவம் செய்து ஈசனினிடம் நேரடியாக. தீட்சை பெற்றவர் மூலர் எனும் திருமூலர் ஆவார்.

இதை ஆராய்ந்து ஒரு நூலாக வெளியிடப்பட்டுள்ளது.

திருமூலரும் திருவள்ளுவரும் கடவுள் வாழ்த்து சிறப்பாய்வு

இந்தப் புத்தகத்தில் திருமூலரின் வரலாறு திருவள்ளுவரின் வரலாறு இணைக்கப்பட்டுள்ளது. 

நூலாசிரியர் எம் எஸ் கே மனோகரன் கோவை

Valluva kula Anthanats

https://m.facebook.com/story.php?story_fbid=1596328720501632&id=100003735592292&sfnsn=scwspmo&s=100003735592292&vh=i

திருமந்திரம் 2

 திமந்திரம் பாடல் 3

ஒக்கநின் றானை உலப்பிலி தேவர்கள்

 நக்கன் என்று ஏத்திடு நாதனை நாள்தோறும்

 பக்கநின் றார்அறி யாத பரமனைப்

 புக்குநின்று உன்னியான் போற்றி செய்வேனே...

விளக்கம்:- திருமூலர் திருமந்திரம் என்ற இந்த நூலை எழுதுவதற்கு தன்னை தானே இறைவனிடத்தில் அர்ப்பணித்து அதைப் பற்றி எழுதுகிறார்.

அ).ஒக்கநின் றானை:- இவ்வுலகத்தில் உள்ள அனைத்து உயிர்களுக்கும் ஒன்றாக ஒரே ஒருவனாக இருப்பவன் ஈசன்..

உலப்பிலி தேவர்கள்:- உலப்பு என்றால் அழிவு அதாவது இந்த உடலுக்கு அழிவு வராமல்  தேவர்களை காத்து இருப்பவனே..

ஆ).நக்கன் என்று ஏத்திடு நாதனை நாள்தோறும்:-

நக்கன் என்றால் சிவன்

நாள்தோறும் சிவனையே ஈசனை நினைத்து ஏற்றுக்கொள். அதாவது உனது மனதுக்குள்ளே ஈசனை ஏத்திக்கொள் ஏற்றுக்கொண்டு ஈசனை வழிபாடு.

இ)மேற்றிசைக்குள் தென்திசைக்கொரு வேந்தனாம்.

விளக்கம்:- மேற்றிசைக்குள்:-  அதாவது மேற்கு கிழக்கு அதற்குப் பிறகு வடக்கு தெற்கு ஆகும்.

 இந்த பூமியை வட துருவம் தென் துருவம் என்று மட்டும்தான் பிரித்துள்ளார்கள். அதனால் தான் திருவள்ளுவரும் திருக்குறளில் தென்புலத்தார் என்று குறள் எண் 43 ல் பாடியுள்ளார்.. அப்படி என்றால் இந்த தென் திசைக்கொரு வேந்தனாம் என்று திருமூலர் எழுதியுள்ளார்.

ஈ).நான்கு திசைகள் ஆக பிரித்தாலும் தென்புலம் தெற்கு திசை என்ற ஒன்றுக்கு மட்டும் முக்கியத்துவம் கொடுத்துள்ளார்.  திசைக்கு வேந்தனாம் ஈசன். அதனால் தான் தென்புலத்தார் என்றார் திருவள்ளுவர்.

மேலும் இயற்கையின் நியதிப்படி இயற்கையை படைத்த இறைவன் வடதுருவத்தில் பனி மூடி எல்லா நாட்களும் இருப்பதால் சாதாரண மனிதர்கள் அங்கு வாழ முடியாது வாழக் கூடிய சூழல் இல்லை. ஆனால் தென்புலம் என்று சொல்லப்படும் கன்னியாகுமரி வரை உள்ள இந்த தமிழக நிலப்பரப்பில் அனைத்து சித்தர்களும் வாழ்ந்தனர். அனைத்து கோவில்களும் மனிதர்களால் உருவாக்கப்பட்டு வழிபட்டு வருகிறார்கள். தென்திசையில் மனிதர்கள் வாழக்கூடிய அனைத்து விதமான வசதிகளும் உள்ளதால் தென்புலத்தில் தான் முதன் முதல் உயிர்கள் தோன்றியிருக்க வேண்டும்.

 தற்போது உள்ள கன்னியாகுமரிக்கு கீழே குமரிக்கண்டம் என்ற ஒரு பெரிய நிலப்பரப்பு இருந்தது அதை கடல் அலைகள் ஆழிப்பேரலையால் மூழ்கடித்து விட்டன. அந்த நிலப்பரப்பு தான் தென்திசை ஆகும் என்கிறார். பல்லாயிரம் வருடங்களுக்கு முன்பே அதில் தோன்றிய உயிரினங்களும் மனிதர்களும் இந்த வனவியல் சாஸ்திரத்தை அறிந்து தெரிந்து இருக்கிறார்கள் எனத் தெரிய வருகிறது. எனவே இந்த நான்கு திசைகளுக்கும் வேந்தன் ஆகவும் ஈசன் ஆக இருந்துகொண்டு இந்த உலகை ஆட்டி வைக்கிறான் என்று திருமூலர் கூறுகின்றார் எனலாம்.

[

3.பக்க நின்றார் அறியாத பரமனைப்..

இந்த பிரபஞ்சத்தில் எங்கும் எதிலும் நிறைந்திருக்கும் ஈசனை உனக்குத் தெரியாது அவன் உன் பக்கத்தில் நின்றிருக்கிறார் அமர்ந்து இருக்கிறார் என்று அறியாத மனிதர்களே பரம் பொருளாகிய பரமனை பிரபஞ்சத்தை படைத்தவனை

4. புக்கு நின்று உன்னியான் போற்றிசெய் வேனே..

புக்கு என்றால்  வீடு, புகழிடம், தங்குமிடம், உடம்பு எனப் பொருள்படும். அதாவது இந்த உடம்பு தான் இறைவனுடைய வீடு புகலிடம் தங்குமிடம் ஆகும் என்கிறார்.

ஈசனே உன்னை யான் போற்றித் துதித்து வழிபட்டு இந்த நூலை படைக்கிறேன் என்கிறார்..

குறள் 891:

பெரியாரைப் பிழையாமை

குறள் பால்: பொருட்பால். 

குறள் இயல்: நட்பியல். 

அதிகாரம்:91.

 பெரியாரைப் பிழையாமை.

குறள் 891:

ஆற்றுவார் ஆற்றல் இகழாமை போற்றுவார்

போற்றலுள் எல்லாம் தலை.

எம்எஸ்கே விளக்கம்:- ஆறறிவு படைத்த மனிதர்கள் அனைவரும் அனைத்தையும் கற்றுத் தேர்ந்த அறிவாளிகளாக, ஞானிகளாக உடனே ஆவது இல்லை. அதற்கு பல வருடங்கள் ஆகலாம். அதிலும் ஒரு சிலரே பெரியோர் அல்லது சான்றோர் அல்லது அறிவுடையோர் ஆகிறார்கள் என அறிவோம்.

1.ஆற்றுவார் :- இந்த உலகில்

எந்த ஒரு செயலையும் செய்வதற்கு என தனித்தன்மை என்று சொல்லக்கூடிய தனிஆற்றல் தன்னம்பிக்கை வேண்டும்.

என்னால் ஆற்ற/செய்ய முடியும் ,ஆக்க முடியும், புதிய விஷயங்களை செயலாற்ற முடியும் என செயல்பட்டுவரும் மனிதர்களே ஆற்றுவார்கள்/ வல்லவர்கள் எனப்படுபவர்கள்.

2.ஆற்றல் :- என்றால் திறமை வல்லமை என தனித் தன்மையை கொண்ட மக்கள் ஆற்றல் உடையவர்கள் ஆவர்.

இவ்வுலகில் பல கோடிக்கணக்கான மனிதர்கள் பிறந்தார்கள் வாழ்ந்தார்கள் மறைந்தார்கள். ஆனால் யார் ஒருவர் தனது அறிவாற்றலை உலகிற்கு உபயோகப்படும் வன்னம் என்ன செய்து இருந்தார்களோ அவர்களே அறிவாற்றல் உடையவர்கள்.

உதாரணமாக தெய்வப்புலவர், அருணகிரிநாதர்,வள்ளலார் போன்றவர்களைச் சொல்லலாம்.

3.இகழாமை :- பலகோடி மக்களில் ஒரு சில சான்றோர்கள் இல்லாமல்  இவ்வுலகம் இல்லை. எனவே அவர்களைப் பற்றி இழிவாக  பேசுதலும் தூற்றுதலும் செய்யாமலும் அவர்களிடமே பிழையைக் காணாமல்  இருப்பதே அறிவுடைய மக்களின் சிறந்த பண்பாகும்.

4.போற்றுவார்:- அறிவுடைய சான்றோர்களை ஞானிகளை போற்றி அவர்களிடத்தில் உள்ள அறிவையும் வழிமுறைகளையும் எளிதாக பெறுவதற்கு முயற்சி செய்ய வேண்டும்.  ஒருவன் தானாக ஒவ்வொரு விஷயத்தையும் கற்று கஷ்டப்பட்டு பின்னர் தெளிவு அடைவதை விட அறிவுடைய சான்றோர்களை போற்றி அவர்களிடம் உள்ள நல்ல விஷயங்களை அடைய வேண்டும். 

5.போற்றலுள் எல்லாம் தலை.

ஒருவனைக் பாதுகாத்திட அவனுக்கு  அனைத்தையும் விடச் சிறந்த காவலாக அமையும். அதாவது பெரியோர்களின் மனம் நோகாமல் அவர்களைப் பணிந்து போற்றி அவர்கள் சொல்லை பின்பற்றினால் வாழ்க்கையில் ஒரு நல்ல சிறந்த தலையாய நிலையை அடைய முடியும் என்பதே ஆகும்.

உட்கருத்து:- *சான்றோர்களின்/ அனுபவமுற்றவர்களின் பாடமே சிறந்த படிப்பினையாகும்*

அனைவருக்கும்   திருக்குறள் வணக்கம்.



 தினமும் ஒரு குறள் எனற தலைப்பில்  திருக்குறளுக்கு



 இளையதலை முறையினர்கள் எளிதாக புரிந்து கொள்ள வேண்டும் என்ற நோக்கத்தில் கடந்த ஆண்டு 16/1/2018 முதல் எழுதி வருகிறேன்.



இன்று 781வது நாள் ஆகும்.  16/1/2018 தேதியிலிருந்து திருக்குறள் 1 ல் ஆரம்பித்து இன்று 771 வரை குறளுக்கு விளக்கம் எழுதியுள்ளேன்.

திருக்குறள் வணக்கம்.  

மறு ஆய்வு.

 அறத்துப்பால்

அதிகாரம்-- 1. கடவுள்வாழ்த்து. 

குறள் எண் 1.

அகர முதல எழுத்தெல்லாம் ஆதிபகலவன் முதற்றே உலகு.

பொதுவான விளக்கம்: எழத்துகளெல்லாம் 'அ' எழுத்தை தமக்கு முதலெழுத்தாகக் கொண்டுள்ளன. அதுபோல உலகத்து உயிர்கள் கடவுளைத் தமக்கு முதலாகக் கொண்டுள்ளன. 

முக்காலும் உணர்ந்து, தொலைநோக்கு அறிவு கொண்டு தெய்வ புலவர் திருவள்ளுவர் எழுதிய குறட்பா உலகப்பொதுமறையாக விளங்குகிறது

என அனைவரும் அறிந்ததே ஆகும்.

எம்எஸ்கே சாமி விளக்கம்:

உயிர் என்றால் என்ன என்று அனைவரும் அறிந்ததே. ஒரு சீவனுக்கு உயிர் இல்லாவிட்டால் அது உபயோகமற்ற தாகும் அது கண்ணுக்குத் தெரியாத உயிரினமாக இருந்தாலும் அல்லது தாவரங்களாக இருந்தாலும் உயிர் இல்லாவிட்டால் அந்த பொருளுக்கு அல்லது உடலுக்கு உபயோகமற்றதாகிவிடும். அதனால் அந்த முதல் எழுத்தாகிய ""அ"" உயிர் என்றால் மிகையாகாது அதனால்தான் அஆஇஈஉஊஎஏஐஒஓஔ வரை உள்ள எழுத்துக்களை உயிரெழுத்து என்றார்கள்.

இந்தப் பன்னிரண்டு எழுத்துக்கள் இல்லாவிட்டால் உலகத்திலுறள்ள எல்லா எழுத்துக்களும்  இதை அடிப்படையாகக் கொண்டுதான் உருவாக்கப்பட்டது.

1.அகரம்:- என்பது 

 "அ உ அம்"  என்ற இந்த மூன்று எழுத்துக்கள் ஒன்றாக சேர்ந்ததுதான் அகரம் எனப்படும் முதல் எழுத்து "அ" என்பதாகும்.

இவ்வுலகில் பிறந்த குழந்தை முதன் முதலில் வாய்திறந்து பேசக்கூடிய  வார்த்தை "அம்மா" என்ற சொல்லாகும். இதை அடிப்படையாகவைத்து தற்போதைய காலகட்டத்தில் அனைத்து உலக மக்களும் வழக்குச் சொல்லாக உபயோகித்து வருகிறார்கள். 'மா' என்று ஹிந்தியிலும் மோம், மேம், மேடம் என உலகிலுள்ள எந்த மொழியில் பேசினாலும் அம்மா என்ற சொல் அடிப்படை சொல்லாக இருப்பதால் அதை அகரத்தில் ஆரம்பித்தார்.

2.முதல எழுத்தெல்லாம்:-  ""அ"" என்ற முதல்  எழுத்து மூலம் மனிதன் எழுத்து அறிவு பெற்றான். இவ்வுலகில் உள்ள அனைத்து மொழிகளுக்கும் ""அ"" முதல் எழுத்து ஆகும். 

 3.ஆதி :- என்றால் சூரியன். இவ்வுலகில்  சூரிய ஒளி இல்லை என்றால் உலகம் முழுவதும் இருளாக இருக்கும். இயற்கையின் சுழற்சியில் இரவு பகல் உண்டாகிறது. உயிர்கள் வாழ சூரிய ஒளி தேவை. தாவரங்கள் முதல் மனிதர்கள் வரை உணவு தயாரிக்க சூரிய சக்தி தேவை.  எனவே ஆதியை, சூரியனை பகவான் என்றார். 

உலகத்திற்கு அ+ஆதி

அ. ஆ என்ற இரண்டாம் உயிர் எழுத்தும் குறித்து விட்டார்.

 சூரியனும்+அ  என்ற முதல் எழுத்து = இந்த இரண்டும் இன்றியமையாத சக்தியாக உலகத்தில் நிலை பெற்றுள்ளது.   மனிதர்களும் மற்ற  பிற அனைத்து  உயிர்களும் இரண்டு கண்களை கொண்டுள்ளது. அதுபோல சூரியசக்தி + அகரம் என்ற எழுத்தும்   இவை இரண்டுமே இரண்டு கண்களைப் போன்றது.  நமது இரண்டு  கண்களும் இல்லை என்றால் இருளாக இருக்கும். அல்லது கண்களை  மூடிபார்த்தால் ஒன்றும் தெரியாது. 

ஆனால்   அறிவு என்ற அகக்கண்களை திறந்து பார்க்க எழுத்தறிவு தேவை. அதைப் படிக்கும் அறிவு மூலம்  ஞானம் கிடைக்கும். பிறகு மனிதர்கள்   எதையும் தெளிவாக அறிந்து கொள்ள முடியும் என்கிறார். 

4.முதற்றேஉலகு:- உயிர்கள் வாழ சூரிய ஒளி அவசியம்  தேவை. ஒளி இல்லை என்றால் உயிர்கள் வாழ முடியாது மரம் செடி கொடி முதல் எல்லாம்  அழியும்.  உலகம் முழுவதும் இருளாக இருக்கும்.  எனவே இவை இரண்டும் இவ்வுலகிற்கு அவசியம் தேவை  

மேலும் விஞ்ஞானம் மெய்ஞ்ஞானம் சோதிட சாஸ்திரம் அனைத்திற்கும் சூரிய குடும்பத்தில் உள்ள ஒன்பது கோள்களும் காரணமாக  இயங்கு கின்றது. இதனால் மனிதர்களுக்கு அறிவு கண் திறக்கும் பிறகு அவர்கள் அறிவு ஜீவிகளாக முடியும். இதுமனிதர்களின் வாழ்க்கையை நிர்ணயம் செய்து வருகிறது என்றால் மிகையாகாது என்கிறார். 

காலையில் சூரியன் கிழக்கே உதித்து மேற்கே மறையும் வரை மறுநாள் மீண்டும் சூரியன் தோன்றும் வரை உள்ள கால அளவை கணக்கிட்டு ஒரு நாள் என அக்காலத்திலேயே ஞானிகள் கணக்கிட்டுள்ளார்கள். மனிதர்களுக்கு தனது வாழ்க்கையில் ஒரு நாள் கழிந்து விட்டால் தன்னுடைய வாழ்நாளின் ஆயுளில் ஒருநாள் குறைந்துவிட்டது என்றால் மிகையாகாது என்கிறார்.

★சூரியன் தான் இந்த உலகத்தில்  இருக்கும் அனைத்து உயிரினங்களுக்கும் மனிதர்களுக்கும் உயிர் கொடுப்பவர்.

★சூரியனைச் சார்ந்துதான் இந்த உலகத்தில் இருக்கும் அனைத்து உயிரினங்களும் நாமும் இருக்கின்றோம்.

★இந்தப் பிரபஞ்சத்திற்கு அதிபதி அவர் தான்.

★நமக்கெல்லாம் உயிர் கொடுத்தது நமது தந்தை,அதனால்தான் சூரியன் தந்தைக்கு காரகத்துவமான கிரகம்.

★நமக்கு உயிர் கொடுப்பது தந்தை என்பதால் சூரியனை தந்தைகாரகன் என்று குறிப்பிட்டார்கள்.

★நமக்கெல்லாம் மறுபிறவி கொடுப்பவர் சூரியன் தான்.

இதனால்தான் மருத்துவத்திற்கு சூரியன் அதிபதி.

★நமக்கு உயிர் கொடுக்க வேண்டுமா அல்லது கொடுக்கக் கூடாதா என்பதை தீர்மானிப்பவர் சூரியன்தான்.

உட்கருத்து:- *சூரியன் இல்லாமல் உலகம் இல்லை, ”அ" என்ற எழுத்து இல்லாமல் மொழியும் இல்லை*.

நன்றி 





இங்கனம்  எம்எஸ்கே மனோகரன் நாயனார் எம். ஏ. எல்எல்பி.  எஸ்.எஸ்.பி. ஓய்வு.  கோவை.

குறள் 451: ( நாள்) குறள்பால்: பொருட்பால்.  குறள் இயல்:அரசியல்.  அதிகாரம்:46. சிற்றினஞ்சேராமை சிற்றினம் அஞ்சும் பெருமை சிறுமைதான்  சுற்றமாச் சூழ்ந்து விடும். எம் எஸ் கே விளக்கம்:- ஆறறிவு கொண்ட மனிதனுக்கு தான் எந்த இன மக்களுடன் சேர்ந்து வாழ வேண்டும் என்ற பகுத்தறிவு வேண்டும். இளம் சிறியவர்கள் பச்சை மரத்தை போல எளிதில் வளையும் தன்மை குணத்தில் இருக்கும். அதனால் தீய எண்ணம் கொண்ட இன மக்களுடன் தவறாக சேர்ந்துவிட்டால் எளிதில் அவர்களுடைய குணம் அதேபோல மாறிவிடும். 1.சிற்றினம் அஞ்சும்:- சிற்றினம் என்றால் குழந்தையாக பிறந்து 18 வயது வரை மனிதனாக மாறும் வரை உள்ள காலத்தை சிற்றினம் அதாவது இளமை காலம் எனலாம். இக்காலத்தில் சிறுவர்களின் இதயமும் எண்ணமும் மிகவும் மிருதுவானது. களிமண் ஈரத்துடன் இருக்கும்போது அழகான சிற்பமாகவும் மாற்றமுடியும் எந்த வடிவம் வேண்டுமானாலும் செய்ய முடியும். அதனால் சிறுவயதில் உள்ளவர்களை மிகவும் கவனமாக கையாண்டு வளர்க்க வேண்டும் அதனால்தான் சிற்றினம் ==தீய ஒழுக்கங்கள் உடைய இன மக்களாகிய சிற்றினம் கண்டு அஞ்ச வேண்டும் என்கிறார். காரணம் என்னவென்றால் 2. பெருமை சிறுமைதான்:- இளைஞர்கள் தனது அறியா பருவத்தில் சிறுமையை பெருமையாக எடுத்துக் கொள்வார்கள். அதாவது தீய பழக்கவழக்கங்கள் உள்ளவர்களுடன் சிறுவர்களும் சேர்ந்து பழகும் பொழுது தீய ஒழுக்கங்கள் சிறுவர்களுக்கு சாதகமாக எளிதாக மனதில் பதிந்து கெட்ட பழக்க வழக்கமாக மாறிவிடும். 2.சுற்றமாச் சூழ்ந்து விடும்.:- எனவேதான் அவர்களை வளர்க்கும் சுற்றுச்சூழல் நல்ல விதமாக இருக்க வேண்டும் *இளமையில் கல்* என்றார்கள் அதுபோல இளமைப் பருவத்திலே எல்லாவகையான கலைகளையும் நூல்களையும் கற்கக்கூடிய சூழ்நிலையை உருவாக்கித் தர வேண்டும். அவன் சிறந்த குடிமகனாகவும் நல்லொழுக்கம் உடையவனாகவும் எதிர்காலத்தில் சான்றோராகவும் மாற முடியும். உட்க்கருத்து:- பெரியோர்கள் ஒழுக்கமற்ற தவறான இயல்புடைய இனத்தைக் கண்டு அஞ்சி ஒதுங்கிவிடுவர். ஆனால் சிறியோர் இயல்பு அந்த இனத்தைக் தனக்குச் சுற்றமாக எண்ணுவதால் தவறான பாதையில் செல்ல வாய்ப்பு உள்ளது.